Nesten askefast i Tigerstaden

Onsdag var eg i Oslo for eit kort møte i samband med vårt nye lag. Samtidig våkna visst ein vulkan til live på sagaøya, og jaggu klarte ikkje dette å stoppe Widerøe sin avgang heim til Bygstad. Morro med 10t buss!

No vart ikkje heile slagplanen for kommande sesong klekt ut i United Bakeries sine nye lokale, men vi fekk klarert første samling. Eg må seie eg gleda meg stort til å møte heile laget i mai.

Med tanke på at det er relativt hektiske dagar innan min bransje for tida skal det bli godt med eit skippertak på treninga med resten av gjengen. No har eg ikkje tenkt å slappe av fram til samlinga, men dei heilt store mengdene blir det nok heller ikkje. No helga vert det nok rando for alle penga, intervall i morgon og langtur på søndag. Med tanke på at det snøa (!!) relativt mykje ut no, so blir nok dette ei bra helg!

André