Multisport

Med vissheit om at siste sykkeltur var i september, var eg noko spent før 5 timars multisportkonkurranse med sykkel som basis på laurdag...

Nerk Challenge er ein multisportkonkurranse i Sogndal der utgangspunktet er 50 postar merka inn på kart. Postane har ulik vanskegrad og dermed ulik poengsum. Laget som legg opp den beste ruta og samlar mest poeng vinn konkurransen.

På slaget 10.00 fekk eg og lagkamerat frå Gaular, Sindre Hoff, kartet utdelt, og det viste seg raskt å bli mykje sykling. Vi la opp ei rute der postane var alt frå kanopadling, slakk line og klatring - og altså mykje sykling mellom postane. Vi tok rundt 2500 høgdemeter i løpet av konkurransen, dei aller fleste på sykkelsetet. Kroppen fungerte overraskande bra gjennom heile konkurransen - noko eg kanskje kan takke sportsdrikk frå Winforce for!? Eg brukte Carbo Basic Pluss sportsdrikk og energikonsentratet Ultra Energy Complex, begge deler utvikla for lange konkurransar. Resultatet vart i alle fall bra; eg og Sindre vann herreklassa.

Avslutta helga med solfylt topptur på Lauvnostind i Hurrungane.

AH