Haukelirennet

Med strålande sol, frost om natta og 10 grader var alt duka for ei fin oppleving i Haukelirennet 2009, det fyrste i sitt slag.

Løypa var 32 km lang og bukta seg oppover den gamle ferdselvegen mellom aust og vest, Ålmannvegen. Starten var på toppen av skitrekket og gjekk i retning mot Haukeliseter. På Kreklingdyrskar etter ca 8 km var det lagt inn spurtpris, Anders Auklad tok spurten. Eg klarte ikkje å fylgje tempoet i stigninga opp mot spurten og passerte her som nr 6. Etter spurten danna det seg ei gruppe på 3 mann i tet og eg fylgde aleine som nr. 4. Med sinnsyk glid klarte eg å koma meg opp igjen til teten. Ned mot Havradalen var det ei krevande utforkøyring der mange av deltakarane måtte nedpå. Opp frå Havradalen var det duka for dagens hardaste stigning, over 200 høgdemeter skulle forserast. Her måtte eg bite i graset og sleppe teten. Kom i mål på 4.plass. Fornøgd med å ikkje vera lengre enn 1.18 bak Anders Aukland, sølvvinnaren frå årets 5 mil på Røros.

Årets sesong har vore kjempe oppløftande for meg, ser fram til å starte på ein ny sesong sterkare enn nokon gong.

Svein Olav